Aktivë janë pesë zjarre nga gjithsej 37, që janë regjistruar dje në shtet, informoi Qendra për menaxhim me kriza (QMK).
Sipas QMK-së, aktivë janë zjarret në Komunën Makedonski Brod, lartë mbi fshatin Belicë, në vendin “Argulica” nën “Solunska Gllava” (ku digjet pyll me pisha), Komunën e Shtipit, te fshati Sellcë (bimë me kërcell të ulët), Komunën Çashkë (bimë me kërcell të ulët), Komunën Dollneni (bimësi e ulët) dhe në Komunën e Kumanovës, tek fshati Lubodrag (bimësi e ulët).
Për një pjesë të zjareve, të cilat kanë rrezikuar fshtëra, dje u veprua edhe nga ajri me aeroplanë të Drejtorisë për mbrojtje dhe shpëtim dhe Ministria e Piunëve të Brendshme, ndërsa në disa vende krahas ekipet zjarrfikëse në mbrojtje të fshatrave janë përfshirë edhe popullata vendore.
