Pretendimet e tij për manipulime në zgjedhjet presidenciale të 2020-tës, rrjeti televiziv Fox News nuk ka mundur t`i provojë dot.
Për këtë arsye u tentua dhe u arrit një marrëveshjeje prej 787.5 milionë dollarëve me kompaninë Sistemet e Votimit Dominion, e cila ngriti padi kundër tij. Falë marrëveshjes, u shmang njëri prej gjyqeve të profilit më të lartë për shpifje. Dominion e akuzoi Fox News për dëmtim të reputacionit, disa javë para zgjedhjeve presidenciale të vitit 2020, duke thënë se kishte përhapur pretendime të rreme sipas të cilave makinat e votimit ndryshuan rezultatin e zgjedhjeve në favor të demokratit Joe Biden duke shkaktuar humbjen e republikanit Donald Trump.
Fillimisht, Dominion qe shprehur se dëmet e pësuara kapnin shifrën e 1.6 miliard dollarëve. Marrëveshja është arritur në minutën e fundit, pasi gjyqi ishte planifikuar të niste të martën. Fox deklaroi se arritja e marrëveshjes reflekton përkushtimin që ka ky rrjet televiziv, për “standardet më të larta të gazetarisë”. Dominion është ende në proces gjyqësor kundër dy rrjeteve tjera konservatore në Shtetet e Bashkuara, OAN dhe Newsmax.
Kjo kompani ka paditur edhe aleatët e Trumpit, si, Rudy Giuliani, Sidney Powell dhe Mike Lindell.
Top Channel
//Google Analytics window.dataLayer = window.dataLayer || [];
function gtag() { dataLayer.push(arguments); } gtag('js', new Date());
gtag('config', 'UA-7855069-1');
//Facebook window.fbAsyncInit = function() { FB.init({ appId: '1715618661991455', xfbml: true, version: 'v2.10' }); FB.AppEvents.logPageView(); };
(function(d, s, id) { var js, fjs = d.getElementsByTagName(s)[0]; if (d.getElementById(id)) { return; } js = d.createElement(s); js.id = id; js.src = "https://connect.facebook.net/en_US/sdk.js"; fjs.parentNode.insertBefore(js, fjs); }(document, 'script', 'facebook-jssdk'));
