Simone Inzagi shprehu keqardhjen e tij për eliminimin e Interit nga Liga e Kampioneve. Trajneri i zikaltërve, përtej zhgënjimit, theksoi se skuadra duhej të ndjehej krenare gjithsesi për atë që kishte dhuruar në këtë turne.
“Qartësisht jemi të zhgënjyer për të gjithë familjen e Interit. Ne duhet të jemi krenarë për atë që kemi bërë në këtë turne. Në pjesën e dytë, ne duhej të kishim bërë më mirë. Në kohën shtesë, kishim më tepër energji, por për fat të keq bëmë shumë gabime.
Pas golit të Dimarkos, ndeshje u duk se ishte në duart tona, por ata barazuan shpejt, duke fituar më shumë energji dhe besim. Kështu edhe tifozët e tyre. Duhej të kishim qenë më mirë në atë fazë dhe të mbanin kryesimin për një kohë më të gjatë.
Ne nuk jemi mësuar të humbasim. Jemi të zhgënjyer pasi ishim 2-0 pas golit të Dimarkos dhe duhej të kishim mbrojtur më mirë në ato momente. Ne jemi të ndërgjegjshëm që detajet e vogla mund të bëjnë diferencën në këtë nivel dhe çdo gjë mund të ndodhë. Por përsëri, nuk mund t’u them shumë gjëra lojtarëve të mi, ata duhet të jenë krenarë për çfarë kanë bërë”, tha Inzagi pas ndeshjes duke folur për “Prime”.
PANORAMASPORT.AL
