PARIS, 7 shkurt /ATSH-ANSA/ – Sulmi i Hamasit ndaj Izraelit më 7 tetor ishte masakra më e madhe antisemite e shekullit tonë, tha presidenti francez, Emmanuel Macron gjatë nderimit të 42 francezëve të vrarë në këtë barbari, në oborrin e Invalidëve në Paris.
“Ne jemi 68 milionë francezë që vajtojmë për sulmet terroriste të 7 tetorit, ku u vranë 42 francezë, gjashtë u plagosën dhe katër të tjerë janë ende të burgosur, për çlirimin e të cilëve luftojmë çdo ditë”, tha Macron.
“Dhe të gjitha jetët janë po aq të paçmueshme në sytë e Francës”, shtoi ai.
“Ne nuk duhet të dorëzohemi ndaj antisemitizmit të shfrenuar, këtu apo atje, sepse asgjë nuk e justifikon atë. Asgjë nuk mund ta justifikojë këtë terrorizëm”, theksoi Macron.//a.i/