Sulmuesi Lautaro Martinez nuk shënon për Argjentinën që në nëntorin e vitit 2022. As miqësoren kundër El Salvadorit nuk arriti të shfrytëzojë si duhet. Pas sfidës ai është shprehur se jep maksimumin dhe shpreson të shënojë në ndeshjet e ardhshme.
“Mundohem të tregohem në fushë. I lashë njerëzit të flasin sepse nuk më interesojnë shumë pasi në çdo seancë stërvitore i tregoj trajnerit se jam gjithmonë në dispozicion të ekipit për çdo gjë, duke filluar si titullar, si zëvendësues apo jo. Punoj ta vesh këtë fanellë sepse është më e bukura. Më pëlqen të konkurroj, më pëlqen të jap më të mirën. Ndonjëherë goli nuk arrin, u përpoqa kundër El Salvadorit dhe nuk munda. Por do të vazhdoj të shpresoj që në ndeshjen e radhës të kem mundësinë të shënoj, të buzëqesh sërish dhe t’u dëshmoj të gjithë atyre njerëzve që flasin aq shumë për mua se e kanë gabim”, përfundoi Lautaro.
PANORAMASPORT.AL
