Fundjava në Spanjë do të dhurojë një sfidë që mund të vlejë sa një titull, me Realin kryesues që do të presë Gironën e vendit të dytë. Reali i Madridit po vazhdon të shikojë me njërin sy Gironën dhe me tjetrin infermierinë e vet.
Trajneri Karlo Ançeloti shpreson të rikuperojë trupat për atë duel. Në stërvitjen e kësaj të enjte, trajneri italian mori dy lajme shpresëdhënëse… dhe një lajm të keq.
Lajmi i mirë ka të bëjë me rikthimin në stërvitje të Viniciusit dhe Rydigerit. Ata janë në rrugën e duhur për t’u rikuperuar në kohë për sfidën-titull. Gjithsesi trajneri italian do të presë deri në fund përpara se të vendosë nëse dyshja do të jetë titullarë ndaj Gironës.
Sakaq lajmi i keq ka të bëjë me kapitenin Naço, që do ta ketë thuajse të pamundur rikuperimin.
PANORAMASPORT.AL
