Real Madrid dhe Barcelona do të luajnë derbin më të madh spanjoll në Arabinë Saudite të dielën nga ora 20:00.
Bëhet fjalë për finalen e Superkupës së Spanjës, e cila prej disa vitesh luhet në Lindjen e Mesme si turne me katër skuadra.
Gjatë rrugës për në finale, Reali eliminoi rivalët e qytetit Atletico në një lojë spektakolare gjysmëfinale. Ndeshja përfundoi 3:3 në kohën e rregullt, dhe klubi mbretëror fitoi 5:3 në kohën shtesë. Barcelona arriti në finale me shumë më pak stres. Në gjysmëfinale, ata mposhtën 2:0 Osasunën.
Presidenti i Realit, Florentino Perez u ka premtuar lojtarëve një bonus të madh nëse e mposhtin Barcelonën në finalen e Superkupës. Edhe pse ky trofe është “i parëndësishëm” për shumë, El Clasico është gjithmonë një ndeshje e veçantë dhe Perez donte t’i bënte të ditur ekipit se sa e rëndësishme është që klubi të mundë Barcelonën në çdo rast të mundshëm.
Çmimi për fitimin e Superkupës arrin në tetë milionë euro dhe Perez u zotua se gjysmën e shumës do ta shpërndajë për ekipin dhe stafin e trajnerëve. Konkretisht, çdo lojtar dhe anëtar i stafit do të marrë një bonus prej 150.000 eurove nëse mposht rivalin e tyre më të madh.
