Nënkryetari i Komunës së Mitrovicës, Arjan Tahiri, ka folur në lidhje me gjykimin e ish-krerëve të Ushtrisë Çlirimtare të Kosovës, që po zhvillohet sot në Hagë.
Tahiri tha se ky proces gjyqësor është i padrejtë, por shtoi se beson se në fund dretjësia do të triumfojë në këtë proces gjyqësor.
“Është emocionuese kur i sheh krerët e UÇK-së, të cilët janë duke u gjykuar në një proces padyshim të padrejtë, është emocionuese sepse është duke u gjykuar shteti i Kosovës, identiteti ynë kombëtar dhe themelet e shtetit tonë. Është emocion, por ne besojmë në drejtësi dhe besojmë që drejtësia do të triumfojë”, është shprehur Tahiri në Shqip.
Ai foli edhe për marshin e së dielës, ku tha se asaj proteste iu bashkuan mbi pesëmijë mitrovicas.
Rrini të informuar mbi zhvillimet kryesore duke u bërë pjesë e komunitetit tonë në Viber.
BONUS: Merreni aplikacionin tonë në Android dhe iOS.
