Këngëtarja e njohur shqiptare, Kejsi Tola ka prezantuar së fundmi “LUMINOUS”, një projekt për të cilin ajo është dedikuar për më shumë se dy vite. Mbrëmjen e djeshme ajo ka organizuar një një event mjaft të veçantë me shumë të ftuar nga bota e televizionit, artit dhe muzikës për të prezantuar këtë kryevepër.
Mes shumë të ftuarve njëra prej tyre ishte edhe këngëtarja shumë e dashur Semi Jaupaj, e cila nuk mund t’i shpëtonte disa pyetjeve të vogla rreth jetës së saj, karrierës dhe gjithashtu rreth miqve të saj Bora Zemanit dhe Donald Veshaj.
Po ti dhe jeta jote sentimentale? “Single, single, single. Jam shumë e fokusuar për momentin dhe do doja të vazhdoja dhe për pak kohë. Kjo nuk i dihet mbase na vjen prnci i kaltër dhe nuk pyet me ca merremi ne…”- është përgjigjur Semi Jaupaj, e cila ka treguar edhe për projektet e verës.
Projekte këtë verë ka? Bashkëpunime? Ndonjë emër? “Emër jo, po bashkpunim ka…“ – tha këngëtarja Semi Jaupaj.
