Edison Ndreca ka folur për Oversport pas humbjes së Kukësit përballë Partizanit.
“Një Kukës me dy fytyra? Të them të drejtën në pjesën e parë luajtëm shumë keq. U sollëm keq në fushë dhe pësuam 2 gola. Në pjesën e dytë luajtëm mirë dhe na mungoi fati që të barazonim ndeshjen. Pritshmëritë janë të mëdha dhe besojmë dhe shpresojmë që shumë shpejt të kthejmë situatën në favorin tonë. Cilësitë i kemi, por pësojmë gol në momentin më të mirë. Edhe fati nuk ka qenë me në këto kohët e fundit.
Vjet ishim ekipi më i mirë në këtë fazë dhe në fund nuk e kapëm dot Europën. Tani duhet të punojmë fort që të arrijmë objektivat e klubit dhe të ngjitemi sa më lart në renditje.
Situata kritike në renditje? Është e vërtetë. Ne mendojmë vetëm për ndeshjen e radhës, duke synuar maksimumin. Kukësi nuk e meriton këtë vend në renditje, por jemi në kohë që të rikuperojmë dhe të kthejmë situatën në favorin tonë.
Hallaçi? E njeh shumë mirë ambientin e Kukësit dhe besoj se bashkë me ne do të bëjë të pamundurën që të dali nga kjo situatë”, ka thënë Ndreca. / Oversport.tv