Për vaksinim falas kundër gripit sezonal deri më tani janë regjistruar 58.012 qytetarë. Vaksinimi kundër gripit sezonal po kryhet vazhdimisht në qendrat shëndetësore publike dhe në shtëpitë e shëndetit dhe deri më tani janë vaksinuar mbi 29 mijë qytetarë, informon Ministria e Shëndetësisë.
Me vaksinim falas mbulohen grupet e mëposhtme të rrezikut: të moshuarit (mbi 65 vjeç), personat me sëmundje kronike, punonjësit e shëndetësisë, gratë shtatzëna, fëmijët nga 6 muaj deri në 5 vjeç, si dhe personat e vendosur në institucionet e mbrojtjes sociale tek të moshuarit dhe personat e punësuar në institucionet për mbrojtjen sociale të të moshuarve.
Të interesuarit mund të regjistrohen për vaksinim falas duke plotësuar aplikacionin në ueb-faqen – vakcinacija.mk, dhe më pas do të marrin informacion me SMS për datën, kohën dhe vendin e saktë të vaksinimit.
“Me qëllim të mbrojtjes së një numri më të madh të personave nga gripi sezonal, Ministria e Shëndetësisë këtë vit ka rritur sasinë e vaksinave të blera, ku janë blerë 60 mijë doza nga katër lloje të vaksinave të gripit sezonal për vaksinim falas”, thekson Ministria e Shëndetësisë.
Thekson edhe se vaksinimi kundër gripit sezonal është masa më efektive për parandalimin e gripit, i cili parandalon shfaqjen e formave më të rënda, ndërlikimet dhe vdekjen, veçanërisht në grupet e rrezikut.
