Dinamo e Zagrebit e ka mposhtur me rezultat 3:0 kampionin e Kosovës, Ballkanin e Therandës, në ndeshjen e xhiros së gjashtë të Grupit C të Conference League në futboll.
Dinamo shkoi më tutje e Ballkani eliminohet.
“Faleminderit të gjithëve që na mirëpritët kaq bukur në Zagreb. E përgëzoj Dinamon për fitoren dhe i uroj suksese në vazhdimin e kësaj gare”, – tha trajneri i Ballkanit,Ilir Daja.
“Ismet Munishi, trajner nga Kosova, nuk u tregua aq i sjellshëm me kampionin kroat”, shkruan media kroate “24 sata”.
“Derisa tifozët e Ballkanit janë pak a shumë të kënaqur me sezonin evropian, Ismet Munishi beson se klubi mund të kishte bërë më mirë se kaq.
Madje, njeriu mendon se sulmi i Dinamos, i drejtuar nga Bruno Petkoviq dhe Gabriel Vidoviq, përfaqësues dhe anëtar i kombëtares së Kroacisë dhe Takuro Kaneko, është më i keq se sulmi i Llapit”, shkruan mes të tjera media kroate.
“Unë besoj se sulmi i Llapit është më i mirë se ai i Dinamos”, ka shkruar Munishi.
“Bëhet fjalë për ish-trajnerin e Ballkanit dhe një njeri që në hapësirën publike të Kosovës njihet si ekspert.
Po, eksperti i shkëlqyer e deklaroi këtë.”, shkruan më tej.
