Olivier Giroud pritet të drejtojë sulmin e Milanit në Derbin della Madonnina të mbrëmjes kundër Interit, me Lautaro Martinez të gatshëm për të luftuar për Nerazzurrët.
Ndeshja mes Nerazzurrëve dhe Rossonerëve do të nisë në orën 18:00 me orën tonë lokale në stadiumin Giuseppe Meazza të Milanos.
Simone Inzaghi nuk do të jetë në gjendje të mbështetet te Joaquin Correa apo nënshkrimi i ri Robin Gosens në ndeshjen e kësaj mbrëmjeje, me të dy lojtarët jashtë fushës për shkak të lëndimeve. Ai pritet të vendosë Lautaron përpara së bashku me Edin Dzekon, megjithëse ka një shans që Alexis Sanchez të mund të zërë vendin e argjentinasit në njëmbëdhjetëshen fillestare.
Stefano Pioli po përballet me disa lëndime të tjera; Zlatan Ibrahimovic, Ante Rebic, Fode Ballo-Toure dhe Simon Kjaer janë të gjithë të padisponueshëm sot, dhe Fikayo Tomori është në dyshim për shkak të një problemi në gju.
Derbi i madh italian transmetohet LIVE në platformën ArtMotion, në kanalin ArenaSport 1.
