Analisti, Shkëlzen Gashi, ka komentuar marrëveshjen e arritur në Bruksel.
Ai ka thënë se kryeministri Albin Kurti “ka lëshuar pe”, por Gashi ka shprehur habi sesi siç e quan ai “regjimi i vjetër”, qenkan gëzuar.
“ky paska lëshu pe, po s’po e kuptoj pse ju të regjimit të vjetër qenkeni gëzu”, ka shkruar Gashi.
Të mërkurën, Shefi për Politikë të Jashtme dhe Siguri i Bashkimit Evropian (BE), Josep Borrell ka njoftuar për arritjen e marrëveshjes teknike për targat.
Ajo është arritur pas takimit të nivelit kryenegociatorësh, pasi në mes liderëve të Kosovës dhe Serbisë ka dështuar të hënën.
Marrëveshja nënkupton që Serbia më nuk do të lëshojë targa “KM”, ndërkaq Kosova nuk do të vazhdojë me fazën e dytë të vendimit për targat, gjobitjen.
Po ashtu, është edhe një dakordim për nisjen e negocimit të planit franko-gjerman.
