Gjithandej në rrjetet sociale është bërë virale një pjesë e shkurtër e një bisede në Big Brother VIP Kosova, me protagonist këngëtarin, Blero.
“Thënia” e famshme e Bleros është komentuar shumë në rrjetet sociale, madje me të cilën janë tallur një pjesë e madhe e audiencës.
Këtij trendi i është bashkuar edhe futbollisti i Kombëtares së Shqipërisë, Jasir Asani.
Asani ka publikuar një video në rrjetin social “Tiktok” ku shihet së bashku me një person tjetër, e në sfond dëgjohej “thënia” e famshme e Bleros.
“Kur nuk t’don familja jote, nuk të don as kojshia. Që domëthënë gjithçka” – ishin fjalët e Bleros, që po vazhdojnë të komentohen në mediat sociale.
Jasir Asani ishte ndër futbollistët më meritor për kualifikimin e Kombëtares shqiptare në Evropianin e vitit 2024, që mbahet në Gjermani.
Përveç si futbollist, Asani është treguar në shumë raste i afërt edhe me tifozët e Kombëtares kuqezi./Lajmi.net/