TIRANË, 16 shkurt /ATSH/ – Në filmin e Daniel Roher ‘Navalny’, i cili fitoi çmimin Oscar për dokumentarin më të mirë në 2023, kundërshtari i Vladimir Putin, i cili vdiq sot në burg, pyetet se çfarë mesazhi do të kishte lënë për popullin rus nëse do të vritej, sipas “La Repubblica”.
Këto ishin fjalët e Alexei Navalnyj në filmin e Daniel Roher:
“Nëse vendosin të më vrasin, do të thotë se ne jemi shumë të fortë. Ne duhet ta përdorim këtë forcë, nuk duhet të dorëzohemi por të kujtojmë se jemi të shtypur nga njerëzit e këqij. Për të triumfuar, e keqja ka nevojë vetëm për njerëzit e mirë që të mos bëjnë asgjë. Prandaj mos rrini kot”.
Udhëheqësi më i rëndësishëm i opozitës ruse në dekadën e fundit, Alexei Navalny vdiq sot në një burg të Rrethit Arktik.
Kritiku më i zhurmshëm i presidentit Vladimir Putin, ishte dënuar me 19 vjet burg, i akuzuar për ekstremizëm i konsideruar gjerësisht si i motivuar politikisht.//a.i/
