“Besimi ynë, mentaliteti yt, ti ke çelësat e qytetit”. Me këtë fjali, tifozët e Romës i kanë shprehur besimin trajnerit të tyre, Jose Mourinho. Këtë gjë ata e kanë bërë duke vendosur një pankartë jashtë qendrës stërvitore të ekipit.
Nga ana tjetër edhe Mourinho ka bërë një deklaratë dashurie për ta pas sfidës ndaj Veronës ku Roma u ndal në një barazim 2-2. Në një postim në rrjetet sociale, “The Special One” shkroi “I dua këta njerëz, do të luftoj për ju”.
Kështu, tifozëria e Romës vazhdon të qëndrojë në krahun e Mourinhos. Përveç këtij gjesti, ata i kanë shprehur vazhdimisht mbështetjen e tyre teknikut portugez dhe klubit, duke rritur ndjeshëm edhe numrin e tifozëve në stadium. /oversport.tv
Foto: AS Roma Twitter