Do të rikthehet në fundjavë Kategoria e Parë, që do të luajë ndeshjet e javës së 9-të, të shtunën dhe të dielën.
5 takime do të luhen ditën e shtunë, ku spikat përballja mes Skënderbeut dhe kryesuesve të Flamurtarit, që do të transmetohet live dhe ekskluzivisht në Oversport në orën 16:00.
Të dielën do të zhvillohen dy takimet e tjera të kësaj jave dhe sfidën mes Dinamos dhe Turbinës, do të mund ta ndiqni live në Oversport dhe Tibo në orën 13:30.
Rivaliteti në Kategorinë e Parë është shumë i madh, pasi janë të shumta skuadrat me traditë, që militojnë në këtë turne dhe synojnë ngjitjen në elitën e futbollit shqiptar. Pas tetë javësh kampionat, kryeson tabelën e klasifikimit Flamurtari me 17 pikë, që ndiqet nga Dinamo (15 pikë) dhe Korabi (13 pikë). Skënderbeu, Luzi, Besa dhe Tërbuni ndjekin në kuotën e 12 pikëve (kujtojmë që korçarët dhe Apolonia kanë një ndeshje më pak). / Oversport.tv
Kategoria e Parë / Java e 9-të
E shtunë 5 nëntor
Lushnja-Luzi 13:30
Tërbuni-Besa 13:30
Oriku-Korabi 13:30
Tomori-Besëlidhja 13:30
Skënderbeu-Flamurtari 16:00
E dielë 6 nëntor
Dinamo-Turbina 13:30
Burreli-Apolonia 13:30
