Igor Tudor do të jetë trajneri i ri i Lacios, që do të zëvendësojë Mauricio Sarrin. Lajmi është konfirmuar edhe nga vetë presidenti, Klaudio Lotito, që në një prononcim të dhënë së fundmi deklaroi:
“Tudo është një person që është në gjendje të ngrejë grupin me përvojë dhe karakter. Lamtumira e Sarrit ishte si një rrufe në qiell të hapur. Ai më tha se kishte ndjenjën se ishte tradhtuar, por se nga kush duhet ta pyesni”.
Presidenti i Lacios foli edhe për sulmin e pësuar sot nga Çiro Imobile:
“Më ndodh çdo ditë, kam jetuar 20 vjet me rojë. Kam marrë kërcënime të përditshme me vdekje për mua dhe për familjen time. Unë jam president i një kompanie me 8000 punonjës, por nuk bëj gjithë këtë bujë, pikë. Dhe kjo është gjithçka që do të them.”
Në lidhje me sulmin ndaj Imobiles pati edhe një reagim zyrtar të klubit nëpërmjet faqes zyrtare ku shkruhej:
“Lacio shpreh solidaritetin e plotë me kapitenin Çiro Imobile dhe familjen e tij për sulmet shqetësuese dhe të papranueshme të pësuar ditët e fundit. Sporti, dhe rrjedhimisht vlera e tij etike, duhet të mbetet i tillë: çdo akt dhune verbale ose fizike duhet të dënohet me vendosmëri dhe pa justifikim”.
PANORAMASPORT.AL
