Në organizim të Federatës së Atletikë së Bullgarisë, sot në palestrën e sporteve “Festivalna” në Sofje, u mbajt edicioni i 53-të Turneu ndërkombëtar i atletikës “Akademik”në kategorinë e seniorëve për meshkuj dhe femra vajza . Në këtë garë të parë ndërkombëtare të atletikës për vitin 2024, morën pjesë atlet nga Bullgaria, Maqedonia e Veriut, Ukraina Greqia, Austria dhe Serbia.
Nga garuesit e vendit tonë sot në gara u paraqitën dy hedhësit e gjyles (4 kg) dhe ate Jumna Fetai në kategorinë e vajzave dhe Matjan Nojkovski, në kategorinë e meshkujve. Sukses për tu mbajtur mend ka shënuar atletja e klubit të atletikës “7 Maj”, 15 vjeçarja Jumna Fetai e cila u stolis me medaljen e argjendtë duke shënuar rezultatin 11 metra e 29 centimetra. Vendi i parë i takoi bullgares Hristijana Vasileva e cila shënoi rezultat 11 metra e 75 centimetra, ndërsa në vendin e tretë u renditë bullgarja Teodora Petrova me rezultatin 10 metra.
Në kategorinë e meshkujve i pari doli serbi Bogdan Zdravkoviq me rezultatin 18 m e 44 cm, i dyti doli bullgari Kalojan Zhekov me 14 m e 08 cm, ndërsa garuesi i Maqedonisë së Veriut Maqrjan Nojkovski shënoi rezultatin 13 metra e 60 cm.
