ROMË, 21 korrik /ATSH-ANSA/- Presidenti i Republikës, Sergio Mattarella, pasi dëgjoi kryetarët e dy dhomave të Parlamentit, në zbatim të nenit 88 të Kushtetutës, nënshkroi dekretin për shpërndarjen e Senatit të Republikës dhe Dhomës së Deputetëve, i cili u mbështet nga presidenti i Këshillit të Ministrave.
Votimi zhvillohet më 25 shtator.
“Siç u njoftua zyrtarisht, firmosa dekretin e shpërbërjes për shpalljen e zgjedhjeve të reja brenda 70 ditëve siç ishte planifikuar”, tha kreu i shtetit.
Shpërndarja e parakohshme e Kuvendit është gjithmonë akti i fundit.
“Situata aktuale politike ka çuar në marrjen e këtij vendimi. Diskutimi, votimi dhe modalitetet bënë të qartë mungesën e perspektivës për një shumicë të re”, shtoi ai.
“Përpara dhomave ka shumë detyrime të rëndësishme për t’u përmbushur në interes të vendit. Këto nevoja shoqërohen me zbatimin e Planit Kombëtar të Rimëkëmbjes dhe Rezistencës, brenda afatit të rënë dakord. As nuk mund të injorohet plani për të luftuar pandeminë”, theksoi Mattarella. //a.i/