Problemet ekonomike tek Interi kërkojnë që përveç blerjeve të ketë edhe shitje për të rregulluar financat. Si pasojë, Beppe Marotta është i detyruar të sakrifikojë një nga lojtarët zikaltër për të grumbulluar të ardhura.
Sipas asaj që raporton La Repubblica, lojtari i përzgjedhur nga drejtuesit zikaltër për tu sakrifikuar vjen nga mbrojtja. Bëhet fjalë për Stefan De Vrij i cili mund t’i sjellë të ardhura të konsiderueshme arkës së Interit.
Agjenti i tij, Mino Raiola i ka garantuar Marottës se është në gjendje t’i gjejë një blerës që do të ofronte 25 milionë euro për holandezin. Një shifër e konsiderueshme kjo për arkat zikaltër.
Nga ana tjetër, blerësi duket se vjen nga Premier League dhe është Tottenham. Antonio Conte e kërkon atë me ngulm në Londër pasi e ka trajnuar vetë për dy vite tek Interi.
Megjithatë, shitja e holandezit pritet të ndodhë në fundin e këtij sezoni dhe jo që në merkaton e janarit. /oversport.tv
