ROMË, 7 nëntor /ATSH-ANSA/- Finlanda nuk ka planifikuar të vendosë armë bërthamore në territorin e saj pasi të anëtarësohet në NATO, dhe nuk ka shenja se ndonjë vend mund t’i ofrojë ato Finlandës, deklaroi sot presidenti i vendit, Sauli Niinisto, sipas transmetuesit kombëtar “Yle”.
“Armët bërthamore janë një pjesë thelbësore e mbrojtjes së NATO-s, por vetëm si një mjet parandalimi”, tha Niinisto.
“Lufta bërthamore nuk mund të fitohet, dhe ajo nuk duhet të ndodhë kurrë”, theksoi ai. //a.i/
