Një grua e moshuar jetoi së bashku me trupin e pajetë të kalbur të vëllait të saj për pesë vjet në një banesë sociale në Victoria, Australi.
Policia e Viktorias e arrestoi gruan në pronën në rrugën Russel, në periferi të Njutaunit, më 28 dhjetor 2022, pas një kontrolli të mirëqenies.
Brenda asaj që fqinjët e quajtën “Shtëpia e tmerreve”, ata gjetën mbeturina nga dyshemeja deri në tavan, minj, feçe njerëzore dhe një “skelet të përgjakur”.
Oficerëve iu desh të përdornin një levë për të thyer dritaren e pasme të gruas për të hyrë brenda, ndërsa hetuesit mjeko-ligjorë më vonë hynë brenda të veshur me kostume të rrezikut biologjik për të tërhequr mbetjet skeletore të gjetura vetëm një çerek kilometri nga qendra tregtare Pakington Street. Gruaja, që mendohet të jetë në të 70-at e saj, u lirua pa akuza vitin e kaluar me policinë që ende po hetonte vdekjen e burrit.
Apartamenti i Departamentit të Familjeve, Drejtësisë dhe Strehimit ishte i mbushur me mbeturina, nga kutitë e McDonald’s deri te qeset plastike, tregojnë fotografitë.
“Kjo shtëpi ishte si shfaqja Hoarders”, shtoi Nicole Stratton, një tjetër qiramarrëse e banesave sociale. “Thjesht kishte mbeturina të grumbulluara në çati. Nuk e di si ka jetuar ajo”.
Top Channel
