Gruaja e kritikut të Kremlinit, Vladimir Kara-Murza ka lavdëruar “guximin” e bashkëshortit të saj pasi ai u dënua me 25 vjet burg për shkak se doli kundër qeverisë për luftën e Rusisë në Ukrainë.
“Një çerek shekulli, kjo është një “5+” për guximin, qëndrueshmërinë dhe ndershmërinë e tim shoqi në punën e tij shumëvjeçare”– tha Evgenia Kara-Murza në Twitter, duke shtuar se: “Jam përjetësisht krenare për ty, e dashura ime, dhe jam gjithmonë me ty.”
Një 5+ është e ngjashme me një 10 me yll për sistemin arsimor rus. Kara-Murza, një avokat i shquar britaniko-rus i të drejtave të njeriut dhe kritik i Kremlinit, u dënua me 25 vjet burg nga Gjykata e qytetit të Moskës të hënën.
Shtetet e Bashkuara , Mbretëria e Bashkuar , Gjermania dhe Bashkimi Evropian kanë dënuar të gjitha dënimet, ashtu si edhe Amnesty International dhe shefi i OKB-së për të drejtat e njeriut Volker Turk. Kara-Murza më parë i tha gjykatës se ishte “krenar” për veprimet që e çuan atë në burg.
“Unë jam në burg për pikëpamjet e mia politike. Për të folur kundër luftës në Ukrainë. Për vite të tëra duke luftuar kundër diktaturës së Putinit”- tha ai në deklaratën e tij përmbyllëse në gjykatë më 10 prill.
Top Channel
