Gjermania po vuan me ekipin e parë kombëtar, por mesa duket transformimi i madh po vjen nga moshat. Gjermani U-17 është shpallur Kampione Bote për këtë grupmoshë, pas finales dramatike, ku desh ruleta e penalltive për të përcaktuar fituesin.
Gjermania U-17 triumfoi ndaj Francë U-17 në “Stadion Manahan” të Indonezisë, duyke triumfuar nga pika e bardhë në shifrat 4-3. Ndeshja u mbyll në barazim 2-2, ndaj u kërkua gjuajtja e serive të penalltive.Për Gjermaninë shënoi Bruner me penallti në minutën e 29-të. Darviç dyfishoi më pas për gjermanët.
Pas rezultatit 2-0, dy minuta më pas, Franca realizoi me mesfushorin Saimon Nadelia Bouabre. Nga minuta e 69-të Gjermani mbeti me 10 lojtarë, pasi mesfushori Osaue u ndëshkua me karton të kuq. Francezët e shfrytëzuan epërsinë numerike dhe barazuan shifrat me Amougou dhe ndeshja shkoi te 11-metërshat. Gjermanët u treguan më të saktë nga pika e bardhë. Me penallti gjermanët eliminuan edhe Argjentinën në gjysmëfinale.
PANORAMASPORT.AL
