Udhëheqësi i opozitës ruse Alexei Navalny ka vdekur në burg, duke i dhënë fund një lufte shumëvjeçare kundër korrupsionit dhe Kremlinit që e pa atë të t’i mbijetonte disa tentativave për helmim.
Një kritik i shquar i Presidentit Vladimir Putin, Navalny u shua në moshën 47-vjeçare, ndërsa i kaloi muajt e tij të fundit pas hekurave. Me nofkën “Ujku Polar”, burgu në të cilin u izolua së fundmi Navalny ndodhet mbi Rrethin Arktik dhe përshkruhet si një “koloni e regjimit të veçantë”, me temperaturat në rajon që bien deri në -30C në dimër.
Pamjet që shihni më poshtë, ndodhen aq shumë në periferi të qytetërimit, saqë e bën pothuajse të pamundur për vizitorët që të arrijnë atë vend.
Navalny u transportua në burg nga burgimi i tij i mëparshëm në koloninë Melekhovo, afërsisht katër orë larg Moskës, ku ai kishte vuajtur një dënim dy-vjeçar. Gjatë kohës së tij në burg ai vuajti nga probleme shëndetësore, ndoshta si rezultat i helmimit me Novichok, për të cilin kërkoi trajtim jetëshpëtues në Perëndim.
Duke raportuar dhimbje dobësuese të shpinës, dhimbje stomaku dhe mpirje në këmbë, politikanit të opozitës iu mohua aksesi në mjekime, ilaçet dhe i nënshtrohej kontrolleve çdo orë gjatë natës. Më 22 janar, kritiku i Kremlinit shpjegoi se si gardianët e burgut i zgjonin shpesh të gjithë në orën 5 të mëngjesit për të kënduar himnin kombëtar rus.
“Dhe menjëherë pas kësaj – kënga e dytë më e rëndësishme në vend: “Ya Russky” e Shamanit,” tha ai, një këngë që përkthehet në “Unë jam rus” dhe është bërë një himn jozyrtar i Vladimir Putinit. Megjithatë, humori dhe karizma e tij ishin ende të dukshme në dhjetor, kur ai dha një pasqyrë të udhëtimit 1,200 milje (1,930 km) nga Melekhovo në Kharp.
“20 ditët e transportit tim ishin goxha rraskapitëse, por unë jam ende në humor të mirë, siç i ka hije një babagjyshi”, tha ai me shaka.
Top Channel
