Declan Rice pranoi se mbeti “pa fjalë” kur Gareth Southgate i tha se do të ishte kapiten i Anglisë kundër Belgjikës në ndeshjen e sotme.
Të dielën, Southgate i tha mesfushorit të Arsenalit se ai do ta drejtonte Anglinë në Wembley me shiritin e kapitenit në ndeshjen e tij të 50-të për ekipin kombëtar.
“Sinqerisht, unë mbeta pa fjalë kur më tha se do të jem kapiten”, zbuloi Rice.
“E përqafova, i dhashë dorën dhe e falënderova shumë. I kam shumë borxh. Që kur erdha në kombëtare, ai më ka bërë gjithmonë të ndihem si në shtëpinë time, jam ndjerë gjithmonë kaq rehat kur kam luajtur nën drejtimin e tij. Është një nder absolut, mund ta shihni në fytyrën time”, shtoi mesfushori gjatë konferencës për shtyp.
Kapitenët e Anglisë, Harry Kane, Kyle Walker, Harry Maguire dhe Kieran Trippier janë të gjithë jashtë fushës me lëndime.
/GazetaBlic Sport
