“Dancing With The Stars” është kthyer në një nga programet më interesantë të të premteve mbrëma, si edhe një nga spektaklet më të përolur që prodhon dhumë debate e diskutime në çdo puntatë.
Shumë personazhë VIP janë bërë pjesë e këtij spektakli, teksa prej puntatës së dytë kanë nisur edhe eliminimet në spektakël. Nata e së premtes së kaluar i dedikohej filmit, ku çiftet kërcyen me kolonat zanore të disa prej filmave më të dashur shqiptar e të huaj.
Ata sollën performanca shumë të veçanta, duke sjellë edhe duartrokitjet e publikut, si edhe duke marrë vlerësime të larta edhe nga juria e këtij spektakli. Por, pas të gjithë performancave, sipas rregullit të spektaklit, duhet të kishte edhe një të eliminuar. Në fund, mes çifteve Gent & Emanuela dhe Arbër & Erisa, publiku dhe juria vendosi që të përfundojë rrugëtimin aktori i njohur Gent Hazizi.
Në fund të spektaklit Genti u shpreh: U argëtova shumë në këtë show kaq të bukur. Kalova dy muaj ekseperiencë dhe mësova shumë, çmimi im janë lotët e vajzës sime. E dinte që edhe po të ikte babi sonte do e ngrinte në krahë këtu. Falenderoj jurinë për vlerwsimin e pikëve. Unë e dija që do rrija gjashtë javë, isha VIP 6, kam rënë gjashtë kile kështu që… Ju faleminderit dhe suksese të gjithëve!
