PARIS, 1 gusht /ATSH-DPA/ – Franca ka hequr të gjitha rregullat e koronavirusit për turistët e huaj në vend duke filluar që nga dita e sotme.
Të ardhurit nuk do të kenë më nevojë t’u përmbahen rregullave të mëparshme që kërkonin të tregonin vërtetimin e vaksinimit ose një test negativ.
Të ardhurit nga BE-ja kishin mundësinë shtesë për të treguar prova se ishin shëruar nga një rast i fundit i Covid-19, i cili gjithashtu nuk është më i nevojshëm.
Nëse shfaqen variante të mëtejshëm të rrezikshëm të virusit, qeveria franceze mund të urdhërojë përsëri udhëtarët të tregojnë teste negative Covid-19 përpara se të hipin në fluturimet për në vend./ a.jor.
