Presidenti i UEFA-s, Aleksander Ceferin ka thënë se ai nuk do të kandidojë më për këtë post në zgjedhjet e radhës në vitin 2027.
Ky lajm vjen pasi që UEFA votoi për të ndryshuar rregullat, që do ta lejonin 56 vjeçarin slloven që të garonte sërish dhe të qëndrojë në postin e qeverisë së futbollit evropian deri në vitin 2031, raporton KosovaPress.
Asociacioni i Futbollit Anglez (FA) ishte i vetmi që e kundërshtoi këtë rregull në kongresin e UEFA-s në Paris. FA tha se liderët duhet të kenë një maksimum prej tre mandateve nga katër vite.
Pavarësisht se shumica prej 49 shteteve votuan pro ndryshimit të rregullave, Ceferin më pas njoftoi se ai nuk do të kandidojë në vitin 2027.
“Kam vendosur para gjashtë muajve se unë nuk do të kandidojë më. Arsyeja është që pas një kohe, çdo organizate i duhet gjak i ri, por më shumë se tani unë isha larg familjes sime për shtatë vite. Me qëllim nuk desha të tregoj më herët, sepse fillimisht, doja t’i shikoja fytyrat e vërteta të disa personave, dhe unë i pash ato”, tha Ceferin.
