Këngëtari me famë botërore, Bruno Mars ka shokuar jo vetëm pjesëmarrësit në ndarjen e çmimeve “Grammy”, por edhe ndjekësit, të cilët kanë shpërthyer me komente pas veprimit të tij.
Si fitues i çmimit “Rekordi i Vitit”, Bruno Mars doli në skenë dhe në një moment ndezi cigaren.
Të shumta kanë qenë reagimet lidhur me këtë veprim të këngëtarit, ndërsa e cilësojnë veprimin e tij më tronditës se shuplaka e Will Smith ndaj komedianit të njohur, Chris Rock.
“Bruno Mars sapo ndezi një cigare në skenën e Grammy në mes të dorëzimit të një çmimi, a mund të flasim pak për këtë sesa Will Smith tani?, shkroi një person në Twitter.
Ndërsa dikush tjetër shkroi:“Muzikë e shkëlqyer, por Bruno Mars sapo ndezi një cigare në skenë? Një koncert që unë nuk do të shkoj kurrë’”.
Aktori Will Smith goditi me shuplakë komedianin Chris Rock në skenën e “Oscars”, pasi ky i fundit bëri një shaka për flokët e bashkëshortes së Will. Më pas aktori i kërkoi falje Rock përmes Instagramit.
Ky ishte një veprim i cili solli reagimin e artistëve dhe ndjekësve duke u ndarë në dy grupime opinionesh, të cilat ndikuan tek karriera e aktorit.
