BRUKSEL, 19 nëntor /ATSH-DPA/ – Presidentja e Komisionit Evropian Ursula von der Leyen dënoi “dhunën e papranueshme të ekstremistëve në Bregun Perëndimor” dhe përsëriti mbështetjen e BE-së për një zgjidhje me dy shtete për konfliktin e Lindjes së Mesme.
“Ne jemi dakord që cikli i dhunës duhet të prishet. Zgjidhja me dy shtete është e vetmja mënyrë për të arritur paqen”, shkroi Von der Leyen në X.
Kreu i organit ekzekutiv të BE-së u takua më parë me Mbretin e Jordanisë Abdullah II dhe tha se ”BE do të punojë me Jordaninë për të siguruar dërgimin e më shumë ndihmave humanitare në Rripin e Gazës”.
“Ne do të bashkëpunojmë me Jordaninë për të ofruar ndihmën humanitare shumë të nevojshme për Gazën”, theksoi Von der Leyen. /os/