BRUKSEL, 16 shkurt /ATSH-DPA/- Komisioni Evropian miratoi sot një skemë të ndihmës shtetërore gjermane prej 4 miliardë eurosh (4,3 miliardë dollarë) për të ndihmuar kompanitë të dekarbonizojnë procesin e tyre të prodhimit industrial.
Fondet do të mbështesin kompanitë në sektorët e kimisë, metalit, qelqit ose letrës, të cilat i nënshtrohen Sistemit të Tregtisë së Emisioneve të BE-së.
Sipas këtij sistemi, kompanitë duhet të blejnë certifikata të ndotjes nëse emetojnë CO2.
Kompanitë duhet të zvogëlojnë 60% të emetimeve të tyre në tre vjet dhe 90% të emetimeve të tyre në 15 vjet, në mënyrë që të kenë të drejtë për ndihmën e shtetit gjerman.
Në vlerësimin e tij për propozimin e ndihmës prej 4 miliardë eurosh nga Gjermania, komisioni tha se skema ishte e nevojshme dhe e përshtatshme për të mbështetur përpjekjet e Gjermanisë për dekarbonizimin në përputhje me objektivat e BE-së për klimën dhe energjinë.
Skema do të financohet pjesërisht nga Fondi i Rimëkëmbjes dhe Rezistencës (RRF), fondi i ndihmës së BE-së për Covid-19.//a.i/
