Të hënën, trajneri i Barcelonës, Ksavi Hernandez bëri të qartë se Levandovski, Gyndoan, De Jong e Arauho do të ishin jashtë liste për transfertën në Belgjikë kundër Antverpit.
Të martën, ai deklaroi se do t’i grumbullojë (përveç De Jongut) lojtarët me kërkesën e tyre! Por radio katalanase, “Radio RAC1”, ka dhënë një variant të tretë.
Në fakt ajo ka plasur “bombën”, duke bërë me dije për publikun se ka qenë presidenti i Barcelonës, Joan Laport, që ka urdhëruar trajnerin Ksavi Hernandez të grumbullonte për takimin e fundit në grup në Champions, Levandovskin me shokë.
Ksavi është munduar ta kalojë pa zhurmë këtë incident në shtëpinë blaugrana. Nuk mbaron me kaq, sepse Levandovski nga i “skarcuar” për takimin ndaj Antverpit, mbrëmë e ka nisur që nga minuta e parë.
PANORAMASPORT.AL