Bella Hadid ka folur për betejën e saj me sëmundjen mendore dhe ka treguar se zgjohej duke qarë në mënyrë histerike çdo mëngjes për tre vjet rresht.
Gjatë një interviste të re me numrin e prillit të Vogue amerikane, Bella foli sinqerisht për vuajtjet nga depresioni dhe ankthi ndër të tjera gjatë ngjitjes së saj në krye të industrisë së modelingut.
Në kulmin e betejës së saj, Bella kaloi më shumë se dy javë në një institucion trajtimi në Tennessee pasi vuajti rraskapitjen për shkak të presionit profesional, duke kujtuar se si ‘qante në drekë në dhomën e saj të vogël të gjelbër’.
Bella shpjegoi: “Për tre vjet ndërsa punoja, zgjohesha çdo mëngjes histerike, në lot, vetëm. Nuk do t’ia tregoja askujt këtë. Shkoja në punë, qaja në drekë në dhomën time të gjelbër, mbaroja ditën, shkoja në çdo hotel të vogël të rastësishëm ku ndodhesha natën, qaja përsëri, zgjohesha në mëngjes dhe bëja të njëjtën gjë”.
Motra e Gigi dhe Anwar Hadid shpjegoi se ajo nuk e dinte se për çfarë po qante, gjë që do ta bënte atë të ishte edhe më e ashpër me veten, për shkak se njerëzit në internet pyesnin se për çfarë duhej të ankohej në jetën e saj ‘perfekte’.
Bella zbuloi se si në janar të vitit 2021 ajo përjetoi një gjendje lodhjeje emocionale, fizike dhe mendore të shkaktuar nga stresi i tepruar dhe i zgjatur.
Pasi punoi 15 ditë me radhë, Bella shpjegoi: “U bëra maniake. I zbardhova flokët. Unë dukesha si një kukull troll. Pastaj i lyeva – dukej si një agim dielli. Kjo duhet të ishte shenja e parë”.
Ylli beson se ka punuar 350 ditë në vit gjatë shtatë viteve të fundit, por për herë të parë në karrierën e saj anuloi angazhimet e saj profesionale për t’u fokusuar te vetja.
Gjatë qëndrimit të saj në institucion, Bella shtoi dy bazat kryesore të psikiatrisë perëndimore, terapinë e bisedave dhe mjekimin, në regjimin e saj ndryshe holistik. Në nëntor, Bella foli sërish hapur për betejën e saj me problemet e shëndetit mendor në një seri fotografish ku shfaqej e përlotur, të shpërndara në Instagram.
Bella, vajza më e vogël e ish-yllit të” Real Housewives of Beverly Hills”, Yolanda Hadid, vuri në dukje se ‘media sociale nuk është reale’ teksa ndau nëntë foto me sy të përlotur ndërsa fliste me fansat e saj.
