Kryetari i grupit parlamentar socialist, Taulant Balla, u tha deputetëve të opozitës të tërheqin akuzat se PS ka kapur drejtësinë. Duke komentuar vendimin e Gjykatës Kushtetuese, Balla tha se vendimi tregon se kjo është prova se drejtësia është e pavarur.
Deklarata e Ballës:
“Nëse do të kontrollonim Gjykatën Kushtetuese do të shkarkonim Ilir Metën. Nuk ka shqiptar që nuk mendon se Meta duhet shkarkuar, por Gjykata foli ndryshe nga Kuvendi. Po jeni bashkuar prapë nuk e dija. Nuk e dija që Luli është bashkuar prapë me Saliun dhe Metën. Tërhiqni mbrapsht deklaratat që drejtësia është e kapur nga PS. Gjykata dha vendim ndryshe nga Kuvendi. 150 ditët e mbetura nuk ia zhbëjnë dot figurën qesharake. Ilir Meta do të kishte qenë mirë të ikte që sot. Ne ju duam të gjithëve bashkë, nuk na shijojnë fitoret kështu të përçarë. A ka mundësi të bashkoheni edhe më 6 mars se do t’iu mundim siç ju kemi mundur përherë”, tha Balla.
