ATHINË/ANKARA, 17 tetor /ATSH-DPA/ – Kryeministri grek, Kyriakos Mitsotakis dhe presidenti turk, Recep Tajip Erdogan folën me telefon për të diskutuar për stabilitetin dhe sigurinë rajonale në Lindjen e Mesme, duke shkuar përtej çështjeve që lidhen me axhendën greko-turke.
Sipas ”Kathimerini”-t, “ky zgjerim i agjendës në shkëmbimet mes Mitsotakis dhe Erdogan shihet gjithashtu si dëshmi e një niveli të përmirësuar ndjeshëm të komunikimit dhe gjithashtu ka një karakter thelbësor”.
”Nëse konflikti në Gaza do të zgjatet, rajoni do të destabilizohet do të ketë pasoja direkte ose indirekte në sigurinë e të dy vendeve”, shton ajo.
”Për më tepër, një luftë e zgjatur do të krijojë kushtet për flukset migratore nga Gaza dhe kampet ekzistuese të refugjatëve në vendet fqinje”, komenton ”Kathimerini”./ /os/
