Gjyqi i Nderit, në kuadër të Odës së Farmacistëve të Kosovës, e ka konsideruar të jashtëligjshëm vendimin për mocionin e mosbesimit të kuvendit të kësaj ode për shkarkimin e kryetarit, Arianit Jakupi.
Këtë e bëri të ditur vet Jakupi, ai ka thënë se ankesa e tij është aprovuar dhe se votimi i delegatëve llogaritet në shkelje statutare dhe ligjore nga Gjyqi i Nderit.
“Dua të falënderoj të gjithë kolegët dhe miqtë që i kanë besuar punës time të drejtë. Por edhe të gjithë strukturës së OFK-ës, edhe nga mandati i kaluar, por edhe në këtë mandat”, ka thënë Jakupi.
“Gjithashtu, dua të falënderoj anëtarët e Gjyqit të Nderit për vendim të paanshëm dhe profesional lidhur me çështjen për të cilën kam bërë ankesën”.
Nga ky vendim i Gjyqit të Nderit i bie se Jakupi do të jetë sërish kryetar i OFK-ës.
Kuvendi i Odës së Farmacistëve, më 25 janar të këtij viti, e kishte shkarkuar Jakupin me 29 vota pro, në një mbledhje të jashtëzakonshme. Arsyeja e shkarkimit është se gjatë procedurave të zgjedhjeve që i ka pasur kjo odë në muajin qershor të vitit të kaluar, thuhet se ai ka shkelur një rregullore.
Klikoni KËTU për t’u bërë pjesë e kanalit zyrtar të Klan Kosovës në Viber.
Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
