Presidenti i Federatës Italiane të Futbollit, Gabriele Gravina, nuk ka as më të voglën frikë duke folur për hetimin e Prokurorisë së Romës, e cila prej ditës së djeshme e ka regjistruar në regjistrin e të dyshuarve me hipotezën e veprës penale të pastrimit të parave dhe përvetësimit.
“Në planin personal ka hidhërim, më vjen keq – thotë presidenti i Federatës së Futbollit në margjinat e takimit mes gjyqtarëve dhe gjyqtarit. – Kur luan një rol institucional dhe ata të godasin personalisht është e qartë që ju vuani. Për sa i përket besueshmërisë, sistemi ynë është në vështirësi. Dikush ka disa kohë që po përpiqet të minojë stabilitetin e tij, ata besojnë se mund të shkaktojnë dëm dhe e bëjnë, por ata që më njohin, e dinë se unë jam i fortë në reagimet e mia”.
Më pas Gavrina saktëson: “Në të gjithë veprimtarinë e dosjes që po del unë kam qenë palë e dëmtuar, ka përmbajtje të rreme. Edhe pse nuk kam qenë nën hetim, dje kam kërkuar të hetohem, diçka që mund të duket edhe të jetë një kontradiktë, por ishte e domosdoshme nga ana ime. Magjistratët nuk më kanë akuzuar kurrë, as dje, aq sa nuk ka asnjë akuzë për momentin. Më duhej të hetoja veten për të qenë në gjendje te mbrohem kunder dosjes së dytë që janë falsitetet e dikujt që ka qejf spektakël.
E imagjinoj që burimi është gjithmonë i njëjti. Kam treguar dokumenta zyrtare me një datë të caktuar. Kam kërkuar të konstatohet e vërteta. Nëse ka përgjegjësi, dua të kuptoj kush e ka përgatitur dosjen, dua të di emrin e dërguesit.”
PANORAMASPORT.AL
