Aktorja Jossara Jinaro ka ndërruar jetë të mërkurën, më 27 prill, pas një beteje me kancerin.
Lajmin e hidhur e ka bërë të ditur bashkëshorti i saj Matt Bogado përmes një postimi në Facebook së bashku me një fotografi familjare të shtunën, shkruan DailyMail.
“Me pikëllim të madh njoftoj ndarjen nga jeta të bashkëshortes sime, Jossara Jinaro në këtë datë, 27 prill 2022”, ka shkruar ai. Ajo ishte 48-vjeçare.
Imazhi tregonte familjen me katër anëtarë – Jinaro, Bogado dhe dy fëmijët e tyre – duke buzëqeshur së bashku në kohën e vjeshtës.
Ai vazhdoi mbishkrimin me fjalët: “Jossara luftoi me guxim kancerin dhe u kthye në shtëpi për t’u rrethuar nga familja”.
“Jossara ishte një grua, nënë, artiste dhe mike e mrekullueshme. Ajo kishte shpirtin më të bukur, më të sjellshëm dhe nuk pranonte jo si përgjigje”.
Vejani shtoi: “Edhe në momentet e saj të fundit, ajo ishte ende duke luftuar. Ajo tani prehet në paqe dhe do të mbahet mend përgjithmonë”.
Në postimin e përzemërt, Matt u shpreh: “Unë, Liam dhe Emrys do t’i mungojë aq thellë, megjithëse e dimë se ajo është në zemrat tona dhe na udhëheq në çdo hap të rrugës”.
“Një shërbim përkujtimor publik do të mbahet në Zonën e Gjirit. Më shumë detaje do të vijnë së shpejti”, shtoi bashkëshorti i të ndjerës.
Aktorja me origjinë braziliane u rrit në Kolumbi derisa emigroi në Shtetet e Bashkuara me familjen e saj.
Në moshën 16-vjeçare ajo u largua nga shtëpia dhe filloi të ndiqte një karrierë aktrimi me ndihmën e një agjenti në Çikago.
Ajo u bind më vonë të transferohej në Los Angeles për të vazhduar të punonte në karrierën e saj si aktore.
Përfundimisht ajo fitoi rolin e Virginia Bustos në një serial të quajtur “Viva Vegas” dhe vazhdoi të siguronte role në “ER”, “Passions” dhe “Judging Amy”.
Deadline raportoi se ajo fitoi një nominim për çmimin GLAAD në vitin 2006.
