Murgeshat që gërmuan eshtrat e një motre gati katër vjet pasi ajo u varros, nuk po i besonin syve kur panë që trupi i saj nuk ishte kalbur.
Qindra njerëz tashmë janë bërë pjesë e një pelegrinazhi për ta parë të me sytë e tyre.
Trupi i zhvarrosur i motrës Wilhelmina Lancaster nuk tregoi shenja kalbjeje, kur murgeshat benediktine në qytetin rural të Misurit Gower po përpiqeshin ta zhvendosnin trupin e saj në një vend pushimi përfundimtar.
“Një mrekulli në Misuri?” thuhet në një artikull të Agjencisë Katolike të Lajmeve të hënën.
Motrat e Lancaster prisnin të gjenin eshtrat në arkivolin e saj prej druri. Por trupi i saj dukej i paprekur, pavarësisht se nuk ishte balsamuar dhe se arkivoli kishte një çarje që mundësonte hyrjen e lagështirës dhe papastërtive.
“Mendova se pashë një këmbë krejtësisht të plotë, të paprekur dhe thashë, nuk e pashë mirë, kështu që shikova përsëri më me kujdes”, tha nëna Cecilia, abatesa aktuale e komunitetit, për Grupin ACI të Rrjetit Televizion Botëror të Përjetshëm, të shtunën.
Nëna Cecilia tha se ka bërtitur kur pa trupin e saj të pa kalbur.
“Direkt ndjeva se Zoti po e bënte këtë. Tani për tani ne kemi nevojë për shpresë. Ne kemi nevojë për të. Zoti ynë e di këtë. Dhe ajo ishte një dëshmi e tillë e shpresës dhe besimit”, u shpreh ajo.
Lancaster themeloi Motrat Benediktine të Marisë, Mbretëresha e Apostujve, kur ajo ishte 70 vjeç në 1995. Ajo vdiq më 29 maj 2019, në moshën 95-vjeçare.
Prej kohësh ka qenë zakon që eshtrat e themeluesve të zhvendoseshin në pjesën e brendshme të kishës së manastirit të tyre, dhe këtë po bënin motrat e saj.
Peshkopi James Johnston, i Dioqezës së Kansas City-St Joseph, e ka konsideruar këtë si një ngjarje të pazakontë.
“Gjendja e eshtrave të motrës Wilhelmina Lancaster ka ngjallur kuptueshëm interes të gjerë dhe ka ngritur pyetje të rëndësishme. Në të njëjtën kohë, është e rëndësishme të mbrohet integriteti i mbetjeve mortore të motrës Wilhelmina për të lejuar një hetim të plotë.” tha peshkopi.
Top Channel
