Pasi humbi disa nga lojtarët kryesorë në këtë merkato vere, Tirana po forcon ekipin për të plotësuar hapësirat e lëna bosh. Kështu klubi kryeqytetas ka afruar së fundmi edhe ish-lojtarin e Laçit Ardit Deliu.
Ka qenë vetë klubi kryeqytetas që me anë të një postimi në Instagram ka zyrtarizuar këtë afrim. “Të gjitha rrugët na çojnë tek Deliu” shkruhej në videon e publikuar nga Tirana.
Ardit Deliu ishte pjesë e ekipit letonez Liepaja. Megjithatë, mesfushori ka ndërprerë bashkëpunimin me Liepajën, për t’u rikthyer në “Abissnet Superiore” ku do të vazhdojë karrierën me kampionët në fuqi. /oversport.tv
