Aksidenti i rëndë ndodhi në autostradën qendrore të Meksikës që përdoret shpesh nga trafikantët për transportin e emigrantëve ilegalë.
Autobusi i mbushur kryesisht me emigrantë nga Venezuela besohet se u përplas me një kamion mallrash sot në Meksikën qendrore, ku mbetën të vrarë 15 pasagjerë dhe 36 u plagosën, sipas autoriteteve.
Zyrtarët e shtetit të Puebla nuk saktësonin sesa nga viktimat ishin emigrantë, por qeveria tha se shumica e pasagjerëve ishin nga Venezuela.
Aksidenti i rëndë ndodhi sot herët në autostradën që shkon drejt shtetit të Oaxaca.
Zyrtarët vendas thonin se trafikantët shpesh përdorin automjete dhe shoferë të pasigurtë për transportin e rrezikshëm të emigrantëve ose duke i ngjeshur ata në numra të mëdhenj për t’iu shmangur policisë, siç ka ndodhur dhe në raste të tjera të ngjashme.
Hetimet per ngjarjen vijojnë.
Në korrik pesë emigrantë nga Honduras u vranë dhe 18 u plagosën në një aksident teksa udhëtonin drejt Gjirit jugor të Meksikës.
Ndërsa në shkurt 17 emigrantë u vranë kur autobusi me të cilin udhëtonin u përplas pranë Puebla.
Top Channel
