Lega Serie A ka zyrtarizuar datat e fillimit dhe përfundimit të kampionatit të ardhshëm, për sezonin 2023/2024 të cilin mund të ndiqni live dhe ekskluzivisht në Oversport dhe Tibo. Sezoni i ardhshëm i kampionatit italian do të nisë të dielën e 20 gushtit të vitit 2023 dhe do të përfundojë të dielën e 26 majit të vitit 2024.
Kampionati italian aktualisht është pushim për shkak të Kupës së Botës, që po zhvillohet në Katar dhe do të rinisë në 4 janar të vitit të ardhshëm me 10 takime që janë programuar për tu zhvilluar në të njëjtën ditë.
Java e fundit e sezonit aktual do të luhet në fundjavën e 3-4 qershorit të vitit 2023, 2 javë më vonë krahasuar me një sezon më parë. Ndalesa e fundit për shkak të ndeshjeve të kombëtareve është parashikuar të jetë nga 20 deri në 28 mars të vitit 2023. / Oversport.tv
Kalendari i javës së 16-të / 4 janar 2023
Salernitana-Milan 12:30
Sassuolo-Sampdoria 12:30
Spezia-Atalanta 14:30
Torino-Verona 14:30
Lecce-Lazio 16:30
Roma-Bologna 16:30
Cremonese-Juventus 18:30
Fiorentina-Monza 18:30
Inter-Napoli 20:45
Udinese-Empoli 20:45