Ka ardhur edhe njoftimi zyrtar: Fabio Cannavaro është trajneri i ri i Beneventos, klub që militon në Serie B dhe që ka në radhët e tij edhe mbrojtësit shqiptar Frédéric Veseli.
“Benevento njofton se i ka besuar detyrën e teknikut të skuadrës së parë Fabio Cannavaro. Trajneri do të prezantohet nesër në orën 17:00”, shkruhet në njoftimin e klubit italian.
Cannavaro, që zë vendin e të shkarkuarit Fabio Caserta, ka drejtuar më parë Guangzhou, Al-Nassr, Tianjin Quanjian dhe kombëtaren e Kinës.
Një detyrë e vështirë e pret ish-kapitenin e kombëtares italiane të futbollit, pasi duhet të nxjerrë nga kriza Beneventon, që ka grumbulluar vetëm 7 pikë në 6 javët e para të Serie B. / Oversport.tv
Foto: beneventocalcio.club
Fabio Cannavaro è il nuovo allenatore del @bncalcio pic.twitter.com/b8mftjLuzv
— Benevento Calcio (@bncalcio) September 21, 2022