Dhjetra zjarrfikës luftonin sot një vatër zjarri të ndezur pranë qytetit piktoresk Dubrovnik në jug të Kroacisë, teksa avionë ujë-lëshues ndihmonin në përmbajtjen e zjarreve.
Zhvillimi vjen teksa dhjetra zjarre kanë goditur zonat pyjore në vendet e Mesdheut ditët e fundit, duke përfshirë Greqinë fqinje dhe Italinë në anën tjetër të Adriatikut.
Zjarri pranë Dubrovnik ishte vetëm 12 kilometra larg qytetit të famshëm mesdhetar në bashkinë Zupa Dubrovacka.
Zjarri i nisur prej të martës ende nuk ka sjellë evakuime të popullsisë, sipas zyrtarëve zjarrfikës.
Rreth 130 efektivë po punojnë në ndalimin e flakëve të cilat janë ndihmuar nga erërat e forta.
Qyteti i mbrojtur nga Unesco daton prej shekullit të 7-të dhe njihet për masën e ndërtesave të gurta të ngritura mbi bregun e detit Adriatik.
Dubrovnik është prej kohësh një pikë e njohur turistike dhe tërheq më shumë se 1 milionë vizitorë në vit.
Mes nxehtësisë ekstreme, vende të tjera të Ballkanit dhe në Evropën qendrore, janë përfshirë nga stuhi reshjesh.
Top Channel
