Edon Zhegrova dhe babai i tij, Lulzim Zhegrova ishin të ftuar në Podcastin “Rruga e Re” të Lumir Abdixhikut.
Episodi i katërt i këtij podcast-i iu kushtua yllit të Kosovës.
Ai foli për aventurën e tij në Francë te skuadra Lille.
“Çdo lojë e thirrin emrin tim. I shoh kah 5-6 flamuj të Kosovës. Kur e shoh flamurin e Kosovës më jep shumë motiv. Vet francezët e marrin, e printojnë edhe shkruajnë në shqip: Edon të lutëm a bën fanellën tënde. Më bën përshtypje pasi që ata nuk janë shqiptarë. Më jep shumë vullnet e motiv për të vazhduar. Edhe në Francë tash po e njohin Kosovën, flamurin e Kosovës”, deklaroi Zhegrova.
