Zgjaten ora policore dhe orari i gastronomisë, largohen maskat gjatë ecjes vetëm

by admin
Spread the love

Ministri i Shëndetësisë, Rifat Latifi, ka bërë të ditur se sot pritet të miratohen masat e reja anti-COVID. Latifi deklaroi se me masat e reja do të ketë lehtësime, por bëri thirrje që secila veprimtari që do të ketë lehtësim të masave, të pranojë vetëm qytetarë të vaksinuar me dy doza të vaksinës.

Latifi bëri të ditur se masat do të miratohen të premten ndërkaq të shtunën do të hyjnë në fuqi.

Latifi ka treguar se ora policore do të fillojë nga ora 00:00 deri në ora 05:00, ndërsa gastronomia do të punojë deri në orën 23:00.

Ndërsa, të gjithë ata që do të hyjnë në Kosovë duhet të dëshmojnë se kanë marrë dy doza të vaksinës.

Ata që kanë një dozë të vaksinës, duhet ta kenë edhe testin PCR.

Po ashtu, maska pritet të hiqet në ambientet e jashtme dhe fitneset të hapen.

Latifi bëri thirrje që çdo veprimtari, së cilës i janë lehtësuar masat, duhet që të pranojnë vetëm ata qytetarë që kanë dy doza të vaksinës.

Lexo lajme interesante

You may also like