UELLINGTON, 19 janar /ATSH-DPA/ – Kryeministrja e Zelandës së Re, Jacinda Ardern ka njoftuar se do të largohet nga posti deri më 7 shkurt.
Ardern e bëri sot njoftimin surprizë gjatë konferencës së saj të parë për shtyp të vitit 2023.
“Unë e di se çfarë kërkon kjo punë dhe e di që nuk kam më mjaftueshëm naftë në serbator. Është kaq e thjeshtë”, tha ajo figurativisht.
“Ne japim gjithçka që mundemi për aq kohë sa mundemi’’, theksoi Ardern.
Dorëheqja e saj do të hyjë në fuqi me emërimin e një kryeministri të ri.
Një votim i grupit parlamentar për të zgjedhur një udhëheqës të ri të Partisë Laburiste do të zhvillohet të shtunën.
E zgjedhur kryeministre në vitin 2017 në moshën 37-vjeçare, Ardern është një nga gratë më të reja në krye të qeverisë në botë, dhe e dyta që është bërë nënë ndërsa është ende në detyrë./ /a.i/
